Н.Энхбаяр өөрийн утсан хүүхэлдэйгээр.

2012-02-03 23:00

Н.Энхбаяр өөрийн утсан хүүхэлдэйгээр С.Ганбаатарыг бэлтгэж сууна

 

ganbaatarМҮЭХ-ны ерөнхийлөгч С.Ганбаатар сүүлийн 4,5 жил монголчуудын чихэнд цэцэг, нүдэнд эвэр ургатал цэцэн цэлмэг, уран сайхан зүйл ярилаа.

Гэсэн хэдий ч энэ хүн ярихаас өөр ямар үйл хэрэг бүтээв гэж бодохоор гарт баригдаж, нүдэнд үзэгдэх юм алга. Энэ байдал давтагдаж, 2012 он гарсаар түүний дуу улам чангарч, өдөр шөнөгүй шахам телевиз, радио, сонинд ярилцлага өгч, ардын баатар мэт болов.

Цаашлаад улс орон даяар жагсаал, цуглаан зохион байгуулна хэмээн сүрийг бадруулж, нийслэлийн төв талбайд цөөхөн хэдэн хүн цуглуулж баахан дөвчигнөв. Талбайд болсон түр цуглааны үеэр хэлсэн үгийнхээ төгсгөлд “Монголын ард түмний нэрийн өмнөөс шаардаж байна” гэдэг үгийг дахин давтан хашгираад “Одоо бүгдээрээ ордныг гурав гороолно. Сайн хашгирч шаардах хэрэгтэй. Тэгээд ордны бүх хаалгыг хааж зогсоно. Дотор нь суугаа мулгуунуудыг ухаан ортол хэнийг ч гаргахгүй шүү” хэмээн уриалж байх юм.

Түүний үг яриаг сонсож байхад яагаад ч юм бэ нэгэн ухаантны хэлсэн “Тэр чинь хүн биш, зүгээр л уриа лоозон цуурайтуулсан машин” гэдэг гүн утгатай үг санаанд орж байлаа.

Миний хувьд 1990 оны Ардчилсан хувьсгалын анхдагчдын нэг мөн. Манай журмын нөхөд намайг жийж, их гомдсоноос би хилийн чанадад гарч амьдарсан гэж ярьдаг тэрбээр үнэхээр 1990-ээд оны эхээр Англид очиж, цөөнгүй жил гудамж шүүрдэж, төмс арилгаж, сав суулга угааж явсан гэх юм билээ.

2000 оны дундуур нутагтаа эргэн ирээд иргэний хөдөлгөөнд оролцож, Г.Баасан, Ж.Батзандан нартай дуу хоолойгоо нийлүүлэн, дөрөө харшуулж хэсэг давхиад, МҮЭ нэртэй эзэнгүй шахам болсон байгууллагын ерөнхийлөгч болсон. Тэр үед Ерөнхийлөгч асан Н.Энхбаяр хожим хэрэг болж магадгүй гэж бодсон уу, аль эсвэл орилоод чих амраахгүй нь гэж санасан уу, түүнийг дээрх суудалд суулгаж өгсөн гэдэг.

Энэ бүхний төлөөс өдгөө нэхэгдэж, түүнийг ард түмэнд хайртай хүүгийн дүрд тоглохыг шаардсан биз. Учир нь хэмжээгүй эрх мэдэлтэй байхдаа экс Ерөнхийлөгч Н.Энхбаяр ард түмний амьдралыг мэддэггүй байсан. Гэхдээ тэдний тархийг угааж чадах С.Ганбаатар мэтийн хүмүүсийг тухайн үед битүүхэн олзолж, хожмын цагт хэрэг болно хэмээн албан тушаалаар хахуульдаж, хоёр нүүдлийн цаадахыг харж суусан хэрэг.

Тэр ч утгаар цэрэг хүнийг 1000 өдөр тэжээж, нэг өдөр ашиглана гэдэг байдлаар МҮЭХ-ны тэргүүн С.Ганбаатарыг инкубаторт бойжуулаад өөрийнхөө өмнөөс хөдөлгөх утсан хүүхэлдэй болгож сууна.

Үүнээс үзэхэд олигтой сургуульд сурч тархиа зовоогоогүй С.Ганбаатар гэдэг хүн эх орон гэж ярьж явснаас биш, хөгжил цэцэглэлтэд нь хүрз шороо, ширхэг тоосго нэмэрлэж, гараа хөдөлгөж үзээгүй нэгэн. Гэхдээ ярих урлагийн мастер гэсэндээ дэлхий дахинд нэр хүндтэй улстөрч, эдийн засагч, тэр ч байтугай уран зохиолчдын хэлсэн, бичсэнээс байнга иш татаж, К.Маркс “Капитал”-даа ингэж хэлсэн байдаг гэж ярьдаг гайхал.

Энэ мэтхэнээр өөрийгөө өндөр мэдлэгтэй, их ном уншдаг хүн болгож харагдуулах гэсэн оролдлого төдийхнөөс хэтэрдэггүй. Ямартай ч  “Ухаан нь задарч, үг нь цэгцэрсэн хүн байдаг. Тэдний хэлж буй үг их ондоо шүү” гэж Б.Лхагвасүрэн ярьсныг санаж явахад илүүдэхгүй бололтой.

С.Ганбаатар улс оронд болж буй ээдрээ, төвөгтэй үйл явдал, ард иргэдэд ойр хамааралтай эмзэг асуудлыг соргогоор өлгөн авч, түүн дээр тоглолт явуулах ажилдаа бүр гаршаад эхэлчихжээ.

Ямартаа л муу эр дайнд хөөрнө гэгчээр багш нарын зарим хэсэг цалингаа нэмүүлэх шаардлага тавихад уухайн тас давхин очиж, олон мянган сурагчийн амьдралаар тоглож, хохироосонд эцэг эхчүүд дургүйцэл илэрхийлсэн. Аливаа үйл явдлын хожмын үр дагавар юу болохыг ухаарах монгол хүний уужуу ухаан МҮЭХ-ны тэргүүн С.Ганбаатарт заяагаагүй нь туйлын харамсалтай.

Харин ч бүр төр засгаас боломжийнхоо хэрээр цалин, тэтгэвэр, хангамж тэтгэмжийг хэдэн төгрөгөөр нэмэх, шийдвэр гармагц л “Төр засгийн хамаг суудлыг худалдан авсан тэрбумтан, олигархиудыг би шахаж шаардаж, айлгаж ичээж байгаад ард түмэндээ хэдэн төгрөг өгүүллээ” гэх ухааны юм яриад эхэлдэг гэдгийг бүгд л мэднэ.

Адаг сүүлдээ сонгуульд донтогсдын өвчинд нэрвэгдэж, тэр нь даамжран солио тусах янз ороод хачин хачин юм энд тэнд ярьж явах болсон байна. Юу ч гэнэ вэ? “Миний ард түмэн хүсээд, УИХ-ын мулгуу нөхдөд парламент дотроос нь үгээ хэлэх нь зүйтэй гэвэл би сонгуульд орно. УИХ-д сонгогдсон ч МҮЭХ-ны ерөнхийлөгчөө хийж, ард түмнийхээ төлөө тэмцэнэ” гэнэ.

Заримдаа бүр халуун нь нэмэгдэж, “УИХ-ын гишүүнд ард түмний итгэлийг хүлээсэн чам шиг хүн сонгуульд өрсөлдөхгүй бол хайран юм болно шүү гээд байна. Бие дааж нэр дэвшинэ. Би ганцаардахгүй. УИХ-д гарах боломж олгох л юм бол зорьсон бүх зүйлээ хийж чадна. Арга ядахад ард түмэнтэйгээ талбай дээр жагсаал хийхэд ямар ч хууль тогтоомжийг батлуулж чадна” гэх мэтээр тун ч гэнэн цайлган, өрөвдмөөр, өхөөрдмөөр юм амныхаа зоргоор урсгаж эхэллээ.

Энэ мэтчилэн сонсоод хэлэх үг олдохгүй, дэмий л бодолхийлж суутал “Өглөө” кинонд “Ард түмэн бид төрийн эрхийг хамтран барина” гэж хэлсэн Дамдины Сүхбаатарын үгийг сонссон нэг малчин өвгөн “Ээ буруу хойшоо. Над шиг муу эмгэнээ захирч чадахгүй, толгой дээрээ гаргачихсан хүн төр барилцана гэдэг нөгөө уутны амыг уруу харуулаад сэгсэрнэ гэгч болох вий” гэж хэлдэг үг санаанд өөрийн эрхгүй зурсхийн орж ирээд байлаа.

Like | Ангилал : Нийтлэл | Нийтэлсэн : Одгэрэлийн Есүхэй | Уншсан (784) | Өмнөх бичлэг | Дараагийн бичлэг

Сэтгэгдэл

  1. nergui :
    2012-02-04 20:50

    Toms arilgaj gudamj shuurdeh chine amidral sdh dee teglee geed dooshoo orku harin ch bidnii omnoos yarih duu hooloi dutaj bna mongol ornoo gesen setgel gargah bolson, tsag n irsen har usand tolgoigoo meduuldeg ue ongorchee zaluusaa uragshaa bid evtei bhdaa huchtei

  2. mr.bobot :
    2012-02-04 19:22

    tiim shuu bi ch gesn ganbaatariin tald bna ih zuil hiihiig ermelzej hiij bga hun

  3. Irgen :
    2012-02-04 15:44

    Bi law ganbaatariin tald bn hiisen zviliig ni medej bgaa hvmvvs olon bga bh gehdee hvmvvsee bitgii buhimd ene bol jijegheen blog erduu l blog yu ch gej bichij bolnoshde

  4. tenuulchin :
    2012-02-04 13:07

    arai ch dee iim yum bicheed bhdaa yahaw dee segtuulchee heden haltar tsaasnii tuluu hudlaa gedgiig ni medej bj yaj ingej bichdeg bnaaa.ene lalarin blogig haanaa

  5. Ganbaatart :
    2012-02-04 08:29

    tanii temtseld ,tanii tsaashdiin ajild dahin dahin ajilt husie.bas saihan medeeleluudiig bichij tabidag suvdhandaa amjilt husie! hamgiin suuliin oligarhiyd dutuu orhisonoo guitseehere irlee gedeg niitlel chin taalgdsan ,bodbol uuniig chin 1 oligarhi eserguutsej GANBAATAR gyaig yu ch hiij yabagui gej doromjiljee,gehdee hezeed unen yalnaa,GANBAATAR gyia TANIIG bid demjij bn,

  6. ushka :
    2012-02-04 08:21

    GANBAATAR gyaig bid ner,hundtei zob zuil yarij,zob uil hergiin toloo ,bidnii sain saihnii toloo temtsdeg hun l gej boddog. ene hunees doloon dor hydlaa amlaj hii hoshgiryylagch nar manaid zondoo bnaa,ted hiij bish saihan yarij l chaddag gedgiig bid olon jil harlaa,harin GANBAATAR gyai taniig bid demjiij bn ,tsashid ch demjine.

  7. suvdhan-d :
    2012-02-04 08:17

    subdhan bi tanii saitiig mash hundetgen medeeleiig chin bnga ynshdag ,oboo sihan zob zuitei medeelel tabidag gej boddog getel ene medeelel chin taalgdsangui yagad be gebel bidnii toloo ug helj temtsej bidend ulger jishee bolj baidag huniig maani myylsand ogt taalgdsangui ,arai suvdhan bichsen bh gej itgehgui l bn...

  8. suugii :
    2012-02-04 08:06

    bid erh cholootei ornii ugee heleh erhtei ard tumen shuu! nerteigeer ni bidnii amiig skochdood bh sana abn yy? bid tsalin hulsniihoo toloo,sain saihan amidraliin toloo,ytaanii esreg ,myy myyhai buhnetei eblerehgui temtsehed hen bidend ugee cholootei helehed tyslaj bn be? bid hhar tsagaan ,byryy zoruug yalgahtaigaa bn,tiimees iim hogiin um bichihee boliooroi tsagiin garz !!!!

  9. suugii :
    2012-02-04 08:00

    zaaas iim zuiliig helj yarihaasaa ichmeer yumaa!!!! Unen ug helsen hund hen ushtei gedeg bilee?/???teged bid tsalin hulsee nemuuleh gej temtsehgui yadyy zuduu amidrah estoi yumuu? AIN? uuniig bichsen hun bidniig nomhon zartsiin baidaltai baij umhii har HYATAD -iin bool bolgoj uurd archaagui guilgachin baidaltai bailgahiig husej baigaa ni todorhoi bn.bitgii gorid za! bid eb negdeltei dyy hoolio negtei baijiij oligarhiydiig yalj sain saihan amidarna,bid ytaatai temtseh estoi,tsalin hulsniihuu toloo temtseh estoi,bid ardchilsan ornii ugee heleh erhtei ard tumen shuu!!!!! uuniig bichsen hun bidniig hen gej bodood bnaa?bid ta nariin dyylgabartai zarts bish shuu.nerteigeer ni buh ard tumniihee amiig bariad skochdochihoocheee mal aaa!!!!!!!!!!!!!!!!!!!!!!!!!!!!!!!!!

  10. batsukh :
    2012-02-04 07:50

    ene henii bichsen galzyy hunii udriin temdeglele be? iim yumiig yah gej hebledegiin be?olon tumnii tuluu unen setgeleesee zutgej yabaa 1 -iigee goochlohoo bolibol yasiin! chi ,ta ooroo ingej zutgej chadah yy? chadahgui l bolob yy? bitgii ataarh! tegeed ch ter hun ANGLI-d syrgyyli tugsson bolohoos sab syylga ygaaj yabaagui,ardchilsan hybisgaliin partizan bish,shine ue -iin seheeten hun ,harin ch gydamjiin yls turiig orhij zub argaar hyyliin dagyy temtsej yabaa hun gej bid boddog ,tuuniig bnga demjdeg

Сэтгэгдэлийн тоо : 12 Сэтгэгдэлийн хуудас 1 2 > 

Сэтгэгдэл бичих

Таны нэр :
Таны э-мэйл хаяг : Ил харагдахгүй.
Сэтгэгдэл